2009 肯亞 day 7 - 8 - 遊城市

2009 / 9 / 19 - 20 Saturday - Sunday

Mara Simba lodge > Great Rift Valley > Nairobi > National Museum > City Tour > Hong Kong

今日o係遊程o既last day, 今晚就再坐13粒鐘番香港，咁就係叫做一共8日嫁喇，實則玩係6日。


食完早餐，有D團友開始計劃今日一定要MR.T同我地行超市。我估作為領隊唔係特別鐘意加呢D out of 佢職責o既行程，尤其今晚去o既係據講好唔安全o既肯雅首都 Narobi。

又坐一輪勁"dan"車離開 Masai Mara，再見啦大草原!

午餐時間就到左 Carnivore，一間專食各種動物烤肉o既餐廳，但我一早都知呢到有素食餐提供，所以十分放心。當然重頭戲係同呢度D貓玩啦，之前響網上已知呢度有貓仔坐鎮，係個後花園度，有幾隻，有D怕人。

佢地食烤肉，我同ET食呢D。

之後去 National Museum，如果我同ET "自己o黎"，就會慢慢睇，入面陰陰涼涼，幾舒服。係商店買左隻龜型石公仔。返到香港，放響窗邊曬左幾日，o個好靚o既藍色花紋淺o左，激氣。

逛左約30分鐘，又要上車，去長頸鹿中心，估唔到長頸鹿面上有大大粒"牛B" (吸血蚤) ! 有條細路仲用口餵長頸鹿食o野添。我就用手餵，D飼料唔駛額外比錢，似乎Mr. T都唔知，佢先前話要預。呢度D staff 好好人，亦似乎好錫D長頸鹿，長頸鹿亦聽佢地話。

係呢度o既小商店買左木斑馬同獅子比 cc 同 leo，好得意，HK$35隻，有D後悔唔買埋比自己。

好，食中式晚餐前，有DD時間，MR. T帶我地去超市，話唔好睇咁耐，帶我地去coffee and tea 一欄，話其他冇乜好睇。我就果鐘意行超市，D團友好快買完，就響外面等，搞到我有D心急。買左coffee / organic lemon grass tea / organic 小麥草 tea / 果仁，Kenya 出好多Sugar Cane，本來想買靚庶糖，但係唔見。你知道嗎，白糖無益嫁。

食中式餐o既地方叫 Panda Restaurant，Mr. T特意幫忙 order 左D素菜，成檯大魚大肉，食唔曬。呢間店都好乾淨企理。就o係呢到比埋D一早預備好o既小費Mr. T，對佢總括印象好好，將十幾年對"領隊"o既陰影除去。之後我填意見表仲寫得佢好好。

出面落起雨o黎，去到機場，司機 friendly 咁 BS一輪，覺得佢誇左D，要表達友善唔一定要咁假。Anyway, 總好過黑面丫。好似Mr. To個種"做好佢份工"，已經好夠，唔會太熱情，最緊要係唔會太操控。

上機囉，o既然o黎到人間，去玩下唔o係好D咩。Bye Bye!