2009 / 9 / 18 Friday
Location: Masai Mara Game Reserve (Mara Simba lodge) > Mara River > Masai Mara Village
食早餐，Mr. T 話有個大陸(日本?)女導遊，要人地一次做10份奄列，佢D團友都未到，搞到煮蛋條人
龍好長。
返日房放底D野，順便影下房中陳設。Mara Simba lodge o既 Logo 好 illustrative。
今日係旅程中第3節safari，見到好多動物。司機話希望我地會見曬 Big five.
呢幅相唔係乜o野好高超o既攝影，但係表現到東非大草原o既"可能性"!
呢隻雞就係雄獅前掂行掂過，相信獅子之前已經食飽左。
呢個trip見唔到大遷徒，但都見到好多一群群o既動物。
斑馬鐘意排隊，排成一字，好長。
無際o既天空，好典型o既非洲大草原畫面。
呢到係坦桑尼亞同肯亞邊境條河，傳聞中o既大遷徒就係響呢到發生，但今日水靜河飛。Mr. T代支每人US$1 比守邊境o既兵哥，佢仲廋過我，"咩"住支槍同我地講解水中o既河馬有幾惡。
ET係呢一帶跌傷，因為掛住睇相機，心口撞向泥梯級，好彩唔係石級。有兩個阿兵哥響度，馬上同佢檢查胸骨，冇事。腳擦傷左，腫左，好彩冇乜大礙。
D鱷魚唔多移動。
下午返酒店lunch同休息，叫左 lodge o既 nurse 入房包扎傷口。我讚呢位克人姐姐靚，"tum"得佢鬼咁開心。佢幾貪靚，噴到成頭髮膠，仲有油左腳甲，算係文明look，唔係土著look。包扎連extra 繃帶，共費約HK$100，番o黎claim足保險，其實張收據無寫傷邊度兼唔係醫生寫，保險公司可以唔賠。大吉利事講句，第日出遊要看醫生，醫生紙上記得要求寫清乜事，傷邊度丫咁，而醫生要註冊o個種，先有大機會claim足。最好有領隊做見證人。
有馬騮仔響lodge周圍行。
好喇，3:30又有free tea，司機猛叫我地享用，我地話唔敢飲，因4:00又去Safari，6:00至有得去toilet. 佢地話佢地可以8粒鐘唔痀。
先去馬莎族人屋企，落車企係大草原上面，D風吹埋黎好舒服，D羊四圍跑，兩個羊BB好得意，土人見我鐘意，一手捉住佢隻腳，搞到佢叫救命。我抱起佢，佢又靜曬。D團友又想抱，又唔識抱，搞到BB羊又咩咩聲叫救命，好陰公，心都赤一赤... 叫佢地快D影完放番佢地，一落地，兩個BB一齊拍住跑走，好天真!
馬莎人表演跳高同歌舞，又玀獅毛帽要我地粒響頭，獅毛帽有陣動物味。據講頂帽係土人以前殺死雄獅後用其皮毛所製，代表英勇咁話。歌舞完亞"村長"將帽隨地一拋就轉身走人，好奔放丫...... 好似我地城市人返到屋企將袋"pat"響沙發咁，但佢地個"廳"o既size就非常巨大囉，不可同日而語......呢一幕對我o黎講有D震撼......如果佢見到香港人住D小單位，一定覺得我地好可憐!
男表演完到女，D婦女好似唔多開心，好"行"，無笑容，同男人相差好遠。其實佢地見慣遊客，亦有大最工藝品想賣比我地。最前呢個冇"做好佢份工"，佢夾硬將飾物掛響一個女團友身上，想屈佢買，但最幣佢一D笑容都無，好嚇人。
王太帶o左D玩具同糖果比小朋友。
亞乜生用佢件風褸同土人交換左一件木雕。
歸途時司機伸手出窗外，話呢種叫 yellow leaf cotton，可驅蟲咁話。獸均喜睡其下，人以其蓋生肉可防腐爛。弄碎有香油滲出。
肯亞o既黃昏天色好美。
沒有留言:
發佈留言