Day 4 2009 / 9 / 16 Wednesday
Location: Mount Kenya Safari Club > (3.5 hrs車程) > Thomson Fall > Lake Nakuru Lodge
出到屋外都幾凍。
Mr. T 係入餐廳必經之路踱步，見到我地就指住對面個山，話係名勝，平時大霧未必見到咁話。叫我地影幅相留念，又好丫。
早餐時唔小心食左人地份有火腿o既奄列。坐車時又嘔番出黎，敏仔伯伯比左6粒正露丸我食。
今日向紅鶴湖出發，途經赤道。估唔到赤道並唔熱，小學老師要比正確地理常識D小朋友至得喇。
都有好多Blog友介紹過呢個表演(實驗)，支火柴浮係水平，係北半球同南半球有相反o既轉向，係正赤道就唔"旭"。所以有D打坐o既人話向東(or向西)坐要視乎你係北半球定南半球......似乎有D道理。
呢條叫Thomson Fall，唔係好大，呢個景點有D土人打扮到"好土人"，比遊客影相，我無影。
我同呢兩位小弟弟影! 盛惠US$1 + Ball pen
佢地超得意，隻手仔有時好似禮佛咁，有時又好似猜拳! 真係超超超超超超得意!
玩左一陣，個克人借D意又玀番走，可能佢覺得我玩太耐。
坐車坐到我唔可以打開眼，好暈，好渣，其他人冇我咁弱... 終於到 Lake Nakura 範圍喇。到左Lodge，我唔理咁多，攤響sofa，等ET向MR. T 取 room key...
粉紅色o既係羽毛整o既花。
酒店範圍有狒狒響屋頂出圍走。
正露丸D威力係一見到廁所就爆發!
呢間酒店設施比較basic. 而D水就係茶會中所講咁滑潺潺(皂性重)，好似洗極都唔淨咁。不過，條花灑水柱幼到似3條線，我都無乜點沖。o係洗手盤洗頭算數，條水柱正常D，不過唔敢用洗頭水，怕洗唔淨。
房中窗外雀仔想入o黎，不過呢隻窗開唔到。
求其食少少lunch，就返房休息，好赲，但心情ok。
下午3:30 free tea對住pool。天氣幾涼，冇人游水。
好，4:00出發去Safari同去紅鶴湖。
紅鶴湖無想像中咁多紅鶴
360度o既天同地幾震撼，我知有人係車後面解決三急之一......真係大自然
地上有烏屍
可能我唔多精神，唔多想食野。飲湯為主。
晚上廁外有小朋友。
Kenya, Lake Nakuru Lodge, Mount Kenya Safari Club, 旅遊, 非洲、中東
沒有留言:
發佈留言