2009 / 9 / 15 tuesday
Location: Serena Mountain Lodge > (3 hrs車程) > Mount Kenya Safari Club
約5點幾醒左，梗係即刻出去個私家露臺睇清晨o既藍色magic moment 啦。
D雀仔叫得好響好亮，處身咁o既環境，令我覺得十分十分之"豪華"，"豪華"在呢份係大自然恩賜，有錢唔一定買到。
坐左一陣，et 醒左，用mp3將呢D咁豪o既聲錄低落o黎
天就快光曬，沖個熱水涼先出去食早餐。
嘩!一開門就見到馬騮仔同雀仔係走廊窗外! Kenya即係Kenya!
陽光很好!
Breakfast 有D係 buffet : 麥片呀，生果呀， bread呀咁，又可叫即製 o既hot food (唔駛加錢)，我要左 scramble egg / roasted tomato & potato / Waffle.
et 食呢D，我幫佢叫左份 Hot cake 潻.
係餐廳入面有馬騮仔伏係窗外問鬼佬要o野食! 好想佢埋o黎我個邊窗!
食完返入房，馬騮仔又o黎露臺玩! 佢個名叫 Sykes monkey.
拜拜啦馬騮仔，我地o係下一間 Hotel 再見啦! (成個旅程都見到好多Sykes monkeys)
好快又要向下一間 hotel 出發囉!
要搭3粒鐘車，但相比後來入 Masai Mara o個段路，就已經係旅程中最舒服o既車程。起碼路面係平坦o既......
呢個 tour，每日會派一樽水，加埋酒店每日必送兩支或以上，同有大量免費 tea / coffee，水份多到你唔敢亂飲，因坐長途車，要隔好耐先有 toliet.
車行坐o個幾鐘，o係一間手信店停低比我地去toliet。廁所簡單但清潔乾爽。
o係車入面我怕風吹頭暈，用外套的帽"粒"住個頭，"粒"到變左花旗裝。
商店門外o既貨品，邊個屋企有咁大放得落?
終於到o左 Safari Club 喇! 嘩! 一入到去見到呢幅經典o既 jade goodall 同黑猩猩相，令我十分興奮! 其他團友亦被呢度o既豪華同廣闊整到好high!
Mount Kenya Safari club o係舊史荷李活影星威廉荷頓起o既。
舊史safari用槍，舊史D英國人用人地條命當game (狩獵)，所以宜家去 Safari 又叫 Game Drive，不過今時今日safari用相機唔準用槍 (要坐監)，呢D咪就係文明囉。
牆上o既 cheetah 頭如果換左人頭好變態咩?
其實一樣咁變態。冇一個生命會想比人地咁對待個頭。
我希望走廊盡頭o既大象牙係假o野，曾經有一段時期，大象怕鬼o左D人類對佢地牙齒o既虎視耽耽，進化至唔生象牙。
領隊 Mr. T 搞好手續，分好房間key card，再簡介埋D自費活動，就各自向傳聞中好靚o既房間邁進! 有D好似 golf 車o既車仔坐到去房門口，其實步行都唔耐。
我o地間房 (屋) !
房外每個客人都有私家躺椅，都冇時間享用過......
一入房，先o黎張巨床。
房中有房! 原來係大廳! 個壁爐係真o架，可以call人入o黎點火 (又無時間玩) !
角落有個鋅盤，係mini bar. 熱水壺及各式 tea bags ( green tea / mango tea / mint tea / chamomile tea / English breakfast tea etc) 齊備!
一出房外就係咁大o既草地，行唔完咁大! ( 梗係啦，每間 Hotel 留唔過24小時，唔夠時間慢慢玩，跟團係咁o架啦，亦都只有跟團先可以"平"住呢D咁貴o既 hotel，好似話自己訂要HK$2XXX一晚! )
睇下! 房門外o既大樹上o既大鳥! 有企鵝咁大!
房外o既friend.
佢之前已經俾幾位人兄煩住曬，到我埋去時佢頂唔順要走。(我係好人o黎嫁，唔好走啦~~~)
呢到我有樣o野好不滿，呢到養左兩隻狗做PR，綁住佢地，個牌寫住可以帶佢地 have a walk，點解連D孔雀都可以四圍行，但要佢綁住佢地? 我問個staff我可唔可以同佢地have a walk, she said : anytime, just need to tell her 一聲就 ok，唔駛比錢，咁我就同狗狗話: 食完lunch, visit 埋呢度o既動物孤兒院 (我呢次trip之重點項目) 就返o黎同佢地去玩玩。
我問個Staff點解綁住佢地唔比佢地自由行走，佢話咩有bus喎?! 唔明，驚車親佢地?! 冇Bus喎呢度? Anyway......
食 lunch 時開始下落雨，我好心急想 15 mins 食完馬上出發買飛去動物孤兒院! 都算盡責o既 Mr. T 卻同大家講，話邊個想去不如 group 埋一齊，我見佢地食得滋滋油油，心急得我呀! 已經成兩點幾喇。不過唔駛好耐，想去o既團友已經食完，咁我就同佢地約好15分鐘後響買飛度等。
我同 et 返入房拎遮，房外呢位小朋友差D就比我地呃左入房!
其實連領隊 Mr. T 都唔知呢度有 Animal Orphanage，佢都係第一次住呢間，而佢地做領隊亦唔會玩呢D自費項目，咁我就話一陣報告比佢知呢度有乜啦。
係雨中我地 4 pairs 8人坐 golf 車出發，3幾分鐘就到。
一入去有D失望: 點解咁多籠? 人地 D blog 映出黎D動物四圍走o架?
有個黑人女士工作人員，見我地，就去 call 導賞員，我地周圍盪等左約10分鐘，一位 cool cool o既廋廋黑人慢慢行出o黎。佢叫 james，對於佢咁cool，我唔太奇怪，好多真心鐘意同動物相處o既人都係咁......
慢慢見有D鹿呀、巨龜呀、駱駝呀四圍走，我開心番D。問 James 我可唔可以摸 cheetah (獵豹)，因見過有 blog 友摸過，佢話唔得，唔可以摸，5歲o既 cheetah 唔可以摸。噢! 非常失望。都好，我都唔想成日有小BB孤兒入o黎。你見過象BB跟實媽咪個樣，就明我講乜。
Animal Orphanage D 動物o係唔會刻意去馴化，佢地因為媽媽死左，比人"的"番o黎養育，o係大自然冇媽媽養育會死。佢地大D，就會放佢地返非洲大草原。
D雨開始停喇，多謝曬!
正當以為呢趟抽水無望，突然James叫我伸手出o黎放粟米響我手掌上，我知度有好o野將要發生! o拿! 馬騮仔，我都話我地會再見o架啦! 一個馬騮仔從天而降我肩上!
有D唔比四圍走，有D比。
仲有四圍走o既鴕鳥! 佢地D名，james都記得，佢地亦都唔驚 james 哥。
鹿仔呀~~
3姊妹Cheetah唔比四圍走，但籠圍得都好大，james一叫佢地，佢地就出o黎行o左場cat walk，之後就返入"後臺"，見唔到，都好，咁即係話個籠圍得好大。
大家好開心咁玩左好耐，臨走前已經無咁cool o既 james 話餵 cheetah時間到，叫我地睇埋先走。等左非常耐，終於見佢拎住3大碗灑上礦物粉o既生牛肉出o黎，原來佢去 prepare food.
跟佢去搵3姊妹，佢地一見到 James 竟然好似貓咪咁叫左一聲! (佢地第日可以適應大自然嗎?) 爸爸，開餐啦! James o係度做o左5年，睇住3姊妹大，個個有名有姓，James 入去個籠入面餵佢地，仲拍拍佢地背脊! What a good job! I told James that he is very lucky have this job! 他笑了，似乎同意我所說的話。
呢D係遊客捐錢比呢個組織，大家他日o黎度唔好有壓力，鐘意贊助就比。我同et捐o左少少，有張感謝狀，同團o既退休生意人老頑童"敏仔"，好豪咁捐o左一個數目，佢地兩夫婦個名遲D會係呢D磚上。"敏仔"話比錢做善事好開心。抵你咁老仲咁好精神咁多閒錢! Sadhu! 留名唔留名唔係重點，想"慷慨而又有心有力"就係福報。
噢，好盡興咁同 James 拜拜，佢話張感謝狀會今晚送入我o地房。
我同 et 對鞋襪濕左，腳好凍，返房換襪，之後把握時間o係免費 high tea 完結前去享用一番。
之後去搵狗狗，點知個 staff 話佢地返左去 sleeping 啦，明天請早! 都好，咁即係話佢地PR份工早放工。
咁忽然多左D時間，就不如享用一下咁美麗o既房啦。有D凍，沖個熱水涼，但D水唔夠熱...... 咁貴既房租，而D水唔夠熱...... 我非常清楚我係o黎享樂，唔係去禪修營或者朝聖...... et 仲凍到差D變藍色! 好彩冇事。
之後享用大廳張大sofa，開TV 睇Animal Planet，哈哈!
連D hotel directory 都咁靚。
Dinner time. 康X o既 Handout 話要著 smart casual ，Mr. T 都唔知，有團友問到，佢就去 check，之後話，總之著長袖就ok喎...
頭盤。
吃半份已飽飽的釀茄子。好味! 同 et 一人一半。
et 要亞差食品，我怕辣。
以好靚o既 ice-cream 終結美好o既一日。
返入房，張感謝狀已放枕頭前，被入面仲有兩個暖水袋，但係，其中一個係漏o架!!!
眼訓喇，費時call人入換床單，怕搞好耐，響浴室拎厚大的雪白毛巾墊住算數。
Good day, good night
沒有留言:
發佈留言