打黃熱病預防針

2009年8月25日

上星期六去左打黃熱病預防針，香港衞生署港口衞生處的姑娘同醫生好好人。唔知係咪因為去親打針o既都係去旅行的開心人，故佢地份工冇乜壓力呢?

今以除打針外，醫生建議食"四環素"(Doxycycline)防瘧疾，出發日起食，返港後再食28日，每日一粒，盛惠HK$100，唔貴。醫生話如果食少一次會有可能有麻煩，如唔見左D藥，佢地
免費俾番。


去長沙灣一間齋鋪食無乜料的廈門炒米及牛河，飲左碗桑寄生首烏湯。之後同et去中旅社影
快相，出黎效果ok，冇話四張相對眼都唔知望左好邊咁，快相機看來已經改良左。

下午et要返office,我就去康X交埋D尾數兼做VISA。發現竟然有領隊，即係話最少已有10人 (10人以下無領隊) ! 點解人地 D blog成日話得4條友1團，今次呢團咁多人? 以為可慳HK$960領隊費潻 ! 算啦，既來則安，咪比人服待下啦。

後記: (一星期後)
星期六約下午12:00，飯後感覺有異，鑽入被窩，腳部冰冷，前額發熱，原來有微燒99.?C。貼了退熱貼，吃了退燒藥。日落後去銅鑼灣逛出一身汗，就退燒了，只是肚子有點怪怪。想全是黃熱病預防針side effect.