跟團/茶會

2009年9月11日

自從1996同et第一次去遊行係跟團後，往後每年出門都係自由行。

當年那個印尼華橋姐姐仔導遊同香港肥婆領隊，令我對跟團有濃烈陰影!

因我唔想玩騎馬仔落差唔多有90度角o既山坡，佢地覺得我唔合作唔跟大隊行事，所以之後佢地心地唔好，想整估當年十分"蛇gew"o既我......



點整估? 想起都真係十分搞笑

話說有朝話去一個乜乜島，我之前已比兩女搞到無乜mood，又唔想去，但後尾又去la，嘩! 好彩有去，成程最開心o既事發生左!

一落船上到個乜乜島(後尾check番，原來係印尼海龜島)，印尼華橋姐姐仔導遊竟然楂住條啡色大蛇"隊"埋黎想嚇我。今次真係唔該哂，我好開心咁將條大蛇撻上我膊頭，我好鐘意動物嫁!  難得同大蛇玩，比得遊客玩好明顯條蛇冇毒la.

我呢個舉動令佢地無癮非常!

跟住D乜蜥蜴、利爪鷹、大龜、廋皮猴丫咁，通通比我抽晒水，真係開心到極點!

但好憎D人"稱住"蝙蝠對翼

well, 自此之後，我同et都用自由行package。

今次去Kenya，因旅行社冇出自由行package，又唔想自己網上訂，又見好多跟X泰去Kenya o既 blog友話最終成團得2個人(2人可成團)，最多都只有4個人，由於唔夠10人係唔會有領隊，全程就由黑人司機(即導遊)帶你去玩，故其實好似自由行。好 free，好flexible!

但唔知點解，今以我join呢團竟然有13人!!! 即係話會有領隊 !  仲要同陌生人相處 !
開茶會o個陣，個位職員都話13人十分罕有! 佢過去幾個星期的茶會，通常得兩條友一團，最多4人! 點解! 點解!

好，唯有隨遇而安啦，如果唔開心，就好on居，比咁多錢去玩wor!